Plantun de Prouvènço

Pèr coumpara dos planto d'encò nostre

Cuscuta approximata & Syntrichia ruralis

Péu-de-lin(-di-sepalo-lusènto)

Cuscuta approximata

Convolvulaceae

Àutri noum : Péu-de-lin, Péu-de-damo, Rasco, Barbo-de-mouine, Cuscuto.

Nom en français : Cuscute approximative.

Descripcioun :
Lou péu-de-lin-di-sepalo-lusènto, pulèu rare, douno d'èr à Cuscuta epithymum, pamens la planto èi pu forto amé de flour blanco. Se n'en destrìo subretout que si sepalo soun lusènto e ounte se vèi de costo reticulado (fotò); la subsp. de Prouvènço ié dison approximata.

Usanço :
Li péu-de-lin soun pas acampa au nostre. Caupon un glucoside, la cuscutino, qu'ajudo à caga e à secreta la bilo. La cuscuto de Chino, Cuscuta sinensis, èi vertuouso contro li proublèmo de proustato e d'ourmono encò lis ome o li femo. Se chabis en gelulo dins lou coumèrci. Tant se poudrié que siegue parié pèr li nostre.

Port : Erbo
Taio : 10 à 30 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Cuscuta
Famiho : Convolvulaceae

Ordre : Solanales

Coulour de la flour : Blanco
Petalo : 5
Ø (o loungour) enflourejado : 5 à 9 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mai à juliet

Liò : Tepiero seco - Relarg à jóuinis aubret
Estànci : Subremediterran à Mountagnard
Couroulougi : Paleoutemperado
Ref. sc. : Cuscuta approximata Bab., 1844

Tortulo-di-champ

Syntrichia ruralis

Pottiaceae

Nom en français : Tortule des champs.

Descripcioun :
Aquelo mousso coumuno fai de tepiero pulèu espesso (1 à 8 cm) sus la roco o au sòu, e souvènt jaunastro. Li fueio soun espatulado, à bord recurva, e podon faire fin qu'à 5 mm ; porton un long péu ialin e denta. La costo èi souvènt roujo. Fai raramen d'espouroufite ; aquéli an uno sedo roujo founso e uno urno marroun (fotò).

Usanço :
Es proche d'àutri meno dóu meme gènre, pamens se recounèis à sa taio, soun long péu e l'endré ounte trachis. Se pòu engana emé d'àutri mousso à long pèu : Barbula, Tortula, Racomitrium...

Port : Acroucarpo
Taio : 1 à 8 cm
Fueio : 2 à 5 mm
Tipe bioulougico :
Cicle bioulougico : Planto renadivo

Gènre : Syntrichia
Famiho : Pottiaceae

Ordre : Pottiales

Coulour de la flour :
Petalo : 1 à 3 cm
Ø (o loungour) flour : Membrano basalo auto
Flourido : Printèms - Estiéu

Sòu : Ca (Si)
Autour basso e auto : 0 à 2200 m
Aparado : Noun
Abriéu à juliet

Liò : Sòu - Roco - Muraio
Estànci : Mesoumediterran à Aupen
Couroulougi : Oulartico e Mieterrano
Ref. sc. : Syntrichia ruralis (Hedw.) F.Weber & D.Mohr, 1803 (= Tortula ruralis (Hedw.) G.Gaertn., B.Mey. & Scherb., 1802 = Barbula ruralis Hedw., 1801 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Cuscuta approximata & Syntrichia ruralis

ges

Coumpara Péu-de-lin(-di-sepalo-lusènto) emé uno autro planto

Coumpara Tortulo-di-champ emé uno autro planto